যুগ যুগ ধৰি

যুগ যুগ ধৰি এচাম লোকে
শোষণ কিমাননো কৰিব ?
নতুন সুৰ্য্যক ক’লা ডাৱৰে
আৰুনো কিমান ঢাকিব?
সিহঁতে বুধিৰে মুখা পিন্ধি
    ভুৱানো কিমান দিব ?
সিহঁতৰ মুখাবোৰ খুলি দিয়াৰ
  প্রতিজ্ঞা কোনেনো কৰিব ?
    তুমি ! তুমি ! তুমি !!!
    
              সমাজৰ মুষ্টিমেয় শোষকে
বনুৱাক সদায় ঠগিব খোজে
আলাসৰ লাড়ু বহি খোৱাহঁতে
(যদি) শ্রমৰ মৰ্য্যাদা নুবুজে
তেনে নিৰ্ভীক প্রতিবাদ কৰিবনো কোনে
              তুমি ! তুমি ! তুমি !!!
             
কিয় একেখন সমাজৰ দুটি ঘৰ
এটিত এন্ধাৰ আৰু এটিত পোহৰ
এটিত খাদ্য থাকে পাহাৰ সমান
(আৰু) আনটিত ভোকৰ চিঞৰ ,
এই অসাম্য দূৰ কৰিবনো কোনে ?
       তুমি ! তুমি ! তুমি !!!
      
     ছন পৰা মনবোৰ চহাই লৈ
   শ্রমৰ ফলখিনি সমভাগে লৈ
   বহুতৰ মৃত্যুত গৰ্জ্জি উঠা
   নতুনৰ অঙ্ক সাবটি লৈ
আজি সাম্যৰ পৃথিৱী গঢ়িবনো কোনে ?
      তুমি ! তুমি ! তুমি !!!