প্ৰথম মৰমে যদি

pratham marame zadi

প্ৰথম মৰমে যদি সঁহাৰি নেপায়
ভালপোৱা কিয় জানো
মৰহি যায়,
এখন হিয়া আৰু এখন হিয়াই
মিলিলেহে মৰমে পূৰ্ণতা পায়।।


যৌৱন প্ৰভাতী মেলাতে
তোমাক দেখিছিলোঁ হঠাতে
প্ৰথম চাৱনিতে কযে হʼল
তুমি জানো গমকে পোৱা নাই।।


শৈশৱ পাৰ হৈ কৈশোৰ আহিল
কৈশোৰ পাৰ হৈ যৌৱন আহিল
যৌৱনে আমনি নকৰা হʼলে
নেচালোঁহেঁতেন তোমাৰ ফালে,
ই নহয় মাথোঁ কামনা
তুমি মোৰ জীৱনৰ সাধনা
আজীৱন তুমি মই সুখী হʼম
তুমি জানো গমকে পোৱা নাই।।