পাচলিৰ বাগিচা

পাচলিৰ বাগিচা সৰু বাগিচা
মোৰ সৰু বাগিচা জানো দেখিছা ?
 
তাত মই ৰুইছোঁ পাচলি ইমান
সৰিয়হ ফুলবোৰ ফুলিছে কিমান !
 
সৰু সৰু কোৰেৰে নিজে কোৰ মাৰোঁ
সৰু সৰু খন্তিৰে নিজে চহ কৰোঁ |
 
আবেলি পাচলিত দিওঁ মই পানী
মটৰৰ কলিবোৰ খাওঁ চিঙি আনি |
 
কবি, মূলা, উৰহি, শাক, লফা, লাই
পুৱাতেই চিঙো মই খৰাহী ভৰাই |
 
বজাৰত পাচলি বহু পোৱা যায়
মোৰ বাগিচাৰ দৰে সোৱাদ নহয় |
 
পাচলিৰ বাগিচা সৰু বাগিচা,
মোৰ সৰু বাগিচা জানো দেখিছা ?