শুনা শুনা হে

শুনা শুনা হে
শুনা পাতি কাণ,
বিজ্ঞানসন্মত বনভূমিৰ অৱদান।।
দূৰৈৰ বন ভূমিত সৌ
সুৰুয ভৈলা দৃষ্ট
সূৰুযৰ জ্যোতিৰে বন
ভৈলা পৰিপুষ্ট।।
বন এক কাৰখানা
জ্যোতি প্ৰপাতৰ
অম্লজান বাষ্প সৃষ্টি
কৰে নিৰন্তৰ।।
প্ৰকৃতিৰ পৰা বনে অʼ
কৰে আহৰণ
বৈজ্ঞানিক উপাদান
কৰি মন্থন
তেনে ভাবে তৰু তৃণে
স্ৰজে শ্বেতসাৰ
সেহি খাদ্যত পায় জীৱে
জীৱনৰ আহাৰ।।
বনভূমি সেৱাৰ থলী হে
মানৱ কল্যাণৰ
বন সংৰক্ষণ হওক
চিন্তা সমাজৰ।।