সেন্দূৰ সেন্দূৰ ফোঁট

Play Now

সেন্দূৰ সেন্দূৰ ফোঁটটিয়ে
পাত গাভৰুৰ কপালতে
সলাজ মৰম আঁকি দি
কি যে সোৱাদ পায়;
মই আজিও নুবুজোঁ।
গোলাপ গোলাপ গালতে নিয়ৰৰে ঘামবোৰে
অকাই-পকাই বৈ গৈ কি যে সোৱাদ পায়,
মই আজিও নুবুজোঁ।
নিলাজ নিলাজ ভংগিমাৰে, পাহাৰৰে চূড়াবোৰে
নিজৰাক জোকাই জোকাই কি যে সোৱাদ পায়,
মই আজিও নুবুজোঁ।
কপাহ কপাহ মেখেলাই; ঢাকি খোৱা নখেৰে
ধূলিত ছবি আঁকি তাই কি যে সোৱাদ পায়,
মই আজিও নুবুজোঁ।
সজল সজল চাৱনিৰে, কাজল ৰঙৰ নৈখনে
কোমল মেঘক কন্দুৱাই, কি যে সোৱাদ পায়
মই আজিও নুবুজোঁ।
বুজিও নুবুজোঁ।