Songs that start with,

কপিলী কপিলী

Play Now

কপিলী কপিলী
ৰাংঢালী ছোৱালী
মহিমা বুজাকে টান ।
কপিলী কপিলী
তই  হৈ বাউলী
বাৰিষাত মাৰিলি ধান ।।


কপিলী কপিলী, গাভৰু ছোৱালী
চঞ্চলা নাই তোৰ মান ।
কপিলী কপিলী দেহাৰ ভাঁজে ভাঁজে
মিঠা যৌৱনৰে গান ।


 কপিলী কপিলী, তইতো নাজান
তোৰ গাত কিমান শকতি ;
তইতো নেজান তোতেই লুকাই আছে
হেজাৰ সূৰুযৰে জ্যোতি।


(সেয়ে) বিজ্ঞানী ডেকাটি, সাজি-কাচি ওলালে
 লগত ওলালে হেজাৰ
মৃত্যুক নেওচি শ্ৰমিকো ওলালে
সাৱটি তোৰ দুয়ো পাৰ ।।


 কপিলী কপিলী পাগলী ছোৱালী
মানুহক কৰিবি ত্ৰাণ,
উমৰাংচুজনীও তোৰেই লগে লাগি
 হ'ব চিৰ জ্যোতিষ্মান ।।