Songs that start with,

অʼ জোনালী দীপান্বিতা

Play Now

ৰচনা কাল :-১৯৪৮

অʼ জোনালী দীপান্বিতা
দীপান্বিতা দীপান্বিতা।
ঘিট্‌মিটীয়া এন্ধাৰ কাতিৰ ৰাতি
চিকমিকীয়া জ্বলি উঠে চাকি
উজ্বলিল সোণৰে মাটি।।

জ্বলে ঘৰে ঘৰে প্ৰদীপ শিখা
মঙ্গল উৰুলি আৰতি
দেৱশিশু সৱে উমলিছে
পোহৰ দলিচা পাৰি।।

দীপান্বিতা দুদিনীয়া
আহিব বা এছাটি,
আনিব পৃথিৱীৰ সমুখলৈ
পুনৰ এন্ধাৰ মাতি।

এই পৃথিৱীৰ শত জনতাৰ
দুখৰে এন্ধাৰ নাশি
সুন্দৰ পূজাৰী উজ্বলোৱা
বুকুৰ তেজেৰে চাকি
সাম্যৰ দীপালী পাতি।