Songs that start with,

অনামিকা বিদায়

Play Now

 (অনুবাদ গীত : মূল ৰচনা -শিৱদাস বেনাৰ্জী)
 
অনামিকা বিদায়, তোমাক জনাওঁ বিদায়,
মিঠা সপোনৰ বিলাস ঘৰ,
তোমাক লৈয়েই গঢ়াৰ সময় যে নাই,
অনামিকা বিদায়, তোমাক জনাওঁ বিদায় |
 
  আহত আকাশ ক’তো নাই সুখ,
হতাশাত ভাগি পৰা মানুহৰ মুখ;
মনৰ চেতাৰ কোনো শুনোতা যে নাই
মনৰ চেতাৰ কোনো শুনোতা যে নাই
অনামিকা বিদায়, তোমাক জনাওঁ বিদায় |
 
 
জোন ডুবি গ’ল আজি আঁউসী ৰাতি,
ধুমুহাত সৰি গ’ল ফুল ;
প্ৰেমৰ কবিতা বাৰু কিদৰে লিখো,
সকলোতে হৈ যায় ভুল |
শেৱালি সুবাস লৈ নাহে যে বতাহ,
আহিও উভতি যায় কাল মধু মাহ;
শেৱালি সুবাশ লৈ নাহে যে বতাহ,
আহিও উভতি যায় কাল মধু মাহ;
দূৰণিত ফেকুৰিছে নিঠুৰ চানাই,
অনামিকা বিদায়, তোমাক জনাওঁ বিদায়,
অনামিকা বিদায়, তোমাক জনাওঁ বিদায় |
মিঠা সপোনৰ বিলাস ঘৰ, মিঠা সপোনৰ বিলাস ঘৰ,
তোমাক লৈয়েই গঢ়াৰ সময় যে নাই,
অনামিকা বিদায়, তোমাক জনাওঁ বিদায় |